1000 Kikuyu Proverbs - Thimo Ngiri îmwe cia Gîkûyû - Language

§  Thimo cia Gîkûyû nî nyingî mûno ona nî makîria ma Ngiri îmwe. 

§  Na ningî imwe nî njerû okûringana na ûrîa rûthiomi rûthîite rûgîcemanagia na maûndû merû. 

§  Ona nî wega kûmenya atî mûtamûkîre wa thimo imwe wîna ûtiganu nîûndû wa ûtiganu wa ng’ongo ta Kabete, Rware, Ndia, Embu, Cuka, Meru o hamwe na maûndû mangî maingî, no uuge wa thimo icio nî ûmwe. (Kikuyu Proverbs are not limited to 1000. Some of these Proverbs are new as the language continues to expose itself to new things. Some pronunciations may differ according to different ridges like Kabete, Rware, Ndia, Embu, Cuka, Meru and other factors but the meaning remains the same)

   §  Mwandîki ûyû nî aroria na gîtîo mûno atî wona thimo wîna ûûma atî ûrîa yand îkîtwo haha tigwo yugagwo ûtûteithîrîria na kwandîka ûrîa yagîrîirwo hau ha macokio na nî îkwandîkwo ûrîa yagîrîire. (The Author/Editor of this text humbly requests that if you notice a Proverb that is not properly phrased don’t hesitate to highlight in the comments and it shall be edited accordingly) 

 

1000 Kikuyu Proverbs - Thimo Ngiri îmwe cia Gîkûyû

A

1. Ageni erî matirî mûtugîre
2. Ageni na karirûi kao
3. Aka erî nî nyûngû igîrî cia ûrogi
4. Aka matirî cia ndiiro no cia nyanîko
5. Aka na ng'ombe itîrî ndûgû
6. Andû matiûî ngamini
7. Arûme mee rwamba
   

   B

8. Bata ndûbatabataga
   

   C

   
   
   
   
   
   
9. Cia kîonje itigayagwo gîtanakua
10. Cia korire Wacû mûgûnda
11. Cia mûciî irî gacûgûma gacio gatathûkagio nî mûthuri ûngî tiga mweneguo
12. Cia mûciî itiumaga ndîra
13. Cia mûciî ti como
14. Cia mûkarî irîyagwo na mambura
15. Cia thua ndongoria itikinyagîra maî
16. Cia thua ndongoria itikinyagîra nyeki
17. Cia thûgûrî itiyûraga ikûmbî
18. Cia tura ngûyû irîaga ng'umo
19. Cia ûthoni ciambaga nguhî
20. Cia werere itigunaga
21. Cia werere itinyitaga moko.
22. Ciana cia ndigwa itirî maithori
23. Ciathanaga ikîgwa itiathanaga ikîûmbûka
24. Ciathanaga ikîûmba no ikîûmbûka o kaihû na kwao
25. Ciîrigithagia aturi ciûîî no irîturwo
26. Cira mûnene nî ûkîa
27. Cira mûnene nî wa ûthoni ûgîkua
28. Cira wa kîrimû ûtûraga kîharo
29. Cira wa mûciî ndumagio kîharo
30. Cira wothe wambagîrîrio na nda
31. Ciumaga igûrû irî ndinangie.
32. Ciunagwo rûkomo kîmenyi akamenya ikiunwo
    

    G

33. Gakîîhotora nîko koî ûrîa karîina
34. Gakuire igîkimwo
35. Gatamî karî mondo yene gatingîkûratîra nguo
36. Gatarî hinya kanyuaga munju
37. Gathutha konagia mûndû njîra
38. Gatinyinyiraga gatarî gakunye
39. Gatitû ka mûimwo nî irî noko karî mîtî.
40. Gatitû ka ngoro gatiunagwo
41. Gatuma kainagia mûrigwa
42. Gatûndû koragithirie Watatua.
43. Gîa atumia gîtîkagio kîarara.
44. Gîathî gîtharagio nî gaka kamwe.
45. Gîathî kîa ngûha nî gûtû.
46. Gîathî kîrî mûrugîrwo
47. Gîathî kîrîagwo na kîngî
48. Gîathî kîûmû no kîa mûrokero.
49. Gîcigo kîa mûgûnda gîtinyihaga.
50. Gîcinga kîmwe gîtitûnganagia mwaki
51. Gĩikaro kĩmwe nĩ kĩrĩ ndaa
52. Gĩkũrũ kĩega no kĩratina
53. Gĩkuũ gĩtiraragĩrio
54. Gîkuû kîa nûgû gîakinya mîtî yothe nî îtenderaga.
55. Gîthaka gîkwania mbwe, kîendaga andû mendaine.
56. Gĩthaka kĩa mũici nĩ gũkaana
57. Gĩthũmba gĩtirĩ mũrimũ wa ngoro
58. Gĩthũri kĩrĩ mwatũ wa ngotoko
59. Gîtiiro kîa mûka wene kîamûkagîrwo athiî
60. Gîtoî kîmenyaga kîerwo
61. Gĩtoĩ kĩraragia kĩũĩ njĩra
62. Gĩtonga kĩgiragio iganjo gĩkarĩma
63. Gĩtonga kĩrĩaga mũnyuko
64. Gîtumumu gîtionagia kîrîa kîngî njîra.
65. Gũceera nĩ kũhĩga
66. Gũcekeha ti gũicũhio
67. Gûciara ûru ti kwenda Kwa mwene
68. Gũcukagwo ũtagũteo
69. Gûeterera ti kûinaina.
70. Gûgûkîa gûtirî ngware î mbico
71. Gũĩka wega kũmathaga ũngĩ
72. Gũkĩara na gũtonga ititiganaga
73. Gũkira kũrĩ ngatho
74. Gũkira nĩ gũthũrana
75. Gũkuhĩrĩria mbaara tikuo kũrũa
76. Gũkungagwo ũtukũ ti mũthenya
77. Gũkũra nĩ kũũru; ngathiî ũrĩrĩ ngĩcayaga
78. Guota mwaki nĩ gũcera
79. Guoya ũtũũragia ũkĩa mũciĩ
80. Gũteithagio wĩteithĩtie
81. Gũtema na kanua ti gĩtema na rũhiũ
82. Gũthama nĩkuo kũhika kwa arũme
83. Gũthekererwo nĩ andũ ti kũrĩrĩrwo nĩ hiti
84. Gũthekererwo ti kũrĩrĩrwo
85. Gũthekio ti kwendwo
86. Gũthiĩ gũtigiragia mũndũ acoke
87. Gûthiî kûingî nî kuona maingî.
88. Gũthiĩ kuonagia mũndũ njĩra
89. Gũthukagĩrio wanatega itega
90. Gũthura ng’ombe nĩ gũthura kamũkwa kayo
91. Gũthuragwo mũndũ ũrĩendwo
92. Gũtirĩ gĩtatũirie kĩngĩ
93. Gũtirĩ gĩthĩnji ũtathĩnja
94. Gũtirĩ gũkũra na kũrara kerĩ
95. Gûtirî îkayaga îtarî nûme
96. Gûtirî îrî mûkanye îkanyagîra îrîa îngî.
97. Gũtirĩ ita rîthiagwo na gĩtete kĩa njohi no gĩa ũcũrũ
98. Gûtirî kîmenyi ûmwe ûtûire
99. Gûtirî kîrûmi na ngarî
100. Gũtirĩ mbura ĩtarĩ na gĩtonga kĩayo
101. Gũtirĩ mũciĩ ũrĩ kahĩĩ ũtakarigwo mũtwe
102. Gũtirĩ mũici na mũcũthĩrĩria
103. Gũtirĩ mũki ũrehage ũrugarĩ
104. Gũtirĩ mũndũ ũĩ harĩa egũthiĩ no harĩa ekuuma
105. Gũtirĩ mũndũ ũtangĩtuĩka wa ndigwa
106. Gũtirĩ mũndũ wendaga gũtũngana na nyoni njũru
107. Gũtirĩ mũndũ wonaga wega wake, no kuonwo wonagwo
108. Gûtirî mûnini mûkîa
109. Gũtirĩ mũrĩo ũtainagia rũthĩa
110. Gũtirĩ mũthenya ũkĩaga ta ũrĩa ũngĩ
111. Gũtirĩ mũtumia wenjagĩrwo mbuĩ kwa nyina
112. Gûtirî mwana na rîana
113. Gũtirĩ mwana ũngĩtema agĩtemera ithe
114. Gûtirî ngware îtare mûhurîrie wayo.
115. Gûtirî ngware îtoî kîmamo kîayo.
116. Gũtirĩ ngware nyinyi mahurĩrio-inĩ
117. Gũtirĩ njamba ĩrũmaga imera igĩrĩ
118. Gũtirĩ nyama na ngirinyũ
119. Gũtirĩ nyoni njega mwere-inĩ
120. Gûtirî rîaraga rîkaga muoti
121. Gũtirĩ rĩtwa rĩtakũria mwana
122. Gũtirĩ thingira ũciraga ta ũngĩ
123. Gũtirĩ ũciaragwo arĩ mũgĩ
124. Gũtirĩ ũcokaga harĩa arũmîirwo kaara
125. Gũtirĩ ũikagia itimũ atarĩ na harĩa akũratha
126. Gũtirĩ ũkinyaga mũkinyĩre wa ũngĩ
127. Gũtirĩ ũndũ ũtarĩ kĩhumo
128. Gũtirĩ ũrĩragio nĩ ũkĩa wene
129. Gũtirĩ ũrĩragio nĩ ũtonga no ũkĩa
130. Gũtirĩ ũrirũ ũtonwo
131. Gũtirĩ ũru ũtũũraga, no wega ũtũũraga
132. Gũtirĩ ũta ũtarĩ nyama
133. Gûtirî ûthomaga na rîene
134. Gũtirĩ ũthũire tiga akĩaga
135. Gũtirĩ wa nda na wa mũgongo
136. Gûtirî wairegi ûtûire
137. Gũtirĩ wĩriraga agĩkuua ta akĩiga thĩ
138. Gûtirî wîriraga agîthiî ta agîcoka
139. Gũtirĩ wĩtaga ithe wa ũngĩ baba
140. Gûtirî wîtemaga agîtemera ûrîa ûngî
141. Gũtirika gũteaga njamba noru
142. Gũtungata gũtingĩgiria mũndũ agatungatwo
143. Gwakîa gûtirî ngware îî mbico
144. Gwakĩa kwarama, gwatuka gwakundeera
145. Gweterera ti kûinaina
     

     H

146. Handũ ha njũgũma na ha mũgwĩ hatiganaine
147. Handû harî athuri hatitangagwo maaî
148. Harîa îikagio tiho îgûaga
149. Haro nĩ ya mũka ũrĩ ĩhĩĩ
150. Haro nĩ ya mũka ũrĩ thirĩ
151. Hinya ndũigana ũrũme
152. Hinya ndũrĩ indo
153. Hiti cia kûraya itihinyagia mahîndî
154. Hiti ciathiĩ mbwe ciegangara
155. Hiti hûûnu îtaga hûûtu wamûtîrî
156. Hiti îrî kînyiria ndînoraga.
157. Hiti ĩtaga ĩrĩa ĩngĩ wa mũtĩrĩ
158. Hiti ndîheyagwo kerî
159. Hiti ndĩrĩaga mwana, na mũĩ ũrĩa ĩrĩ ngoroku
160. Hũngũ ĩgĩthiĩ igũrũ ndĩatigire thĩ kũrĩ kwega
161. Hũngũ ireraga harĩa mbũri ĩrathĩnjĩrwo
162. Hurûrû ĩthekaga rwaro
163. Hûthû nîyo îyûî
     

     I

164. Igai rĩa mũtũndũ rĩtigiragia kĩrĩti kiunwo
165. Ĩganagwo yaarĩ iria yakua
166. Igego rîthekagia itimû
167. Ĩgîkua nî îikagia thari
168. Îgîtunywo mwana nî îikagîrio mûûngû
169. Îgũkua ĩhuragia kĩara
170. Igũrũ na aka itimenyagĩrwo
171. Igwa njîthî itirî njohi
172. Ihenya inene riunaga gîkwa ihatha
173. Ihenya rîa athuri nî kûengea
174. Ihiga rĩega rĩtiringanaga na thĩo njega
175. Ihĩĩ na igwa ikũragĩra ũthũ-inĩ
176. Îhaga îkiumwo
177. Îhîtagwo itanakîra
178. îikagio ndahi nî mwene
179. Îkîhîa ona mwene nî otaga.
180. Ikinya na thĩ itiaganaga
181. Ikinya rĩa mũkũrũ rĩkinyaga mũruna
182. îkugîrwo mbu nî aka ndîhonaga.
183. Îkûhîtia na mûgwî ndîrathaga na njoya
184. Îkûhûna ndîrî mûtî îtomba
185. Ĩkũrũma ndĩũragia mũgũgũta
186. Îkûrûndwo ndĩregaga ruoro.
187. Ĩkũrũra yarahũraga ĩmamiĩ
188. Ĩkũrũrio ti noru
189. Ikũũra inya na inyanya
190. Indo ciene irĩ mũtino
191. Indo nĩ kũrĩmithanio
192. Îngîhîtia na mûgwî ndîrathaga na njoya
193. Ĩreragĩra rũkũ-inĩ na ĩkaya kũigana.
194. Irî gîcegû kîmwe nî iminjanagîria rûrua
195. Irî Gîkûyû itirî Ûkabi
196. Ĩrĩ gũciarĩra riũa-inĩ yongithagĩria o ho.
197. Ĩrĩ gũkũra ĩrĩagwo iguku nĩ aka
198. Ĩrĩ gũkũra ndĩrĩ mwĩroreri
199. Irĩ gũthua ndongoria itikinyagĩra nyeki
200. Ĩrĩ gũtũ ĩhũgagia mwene
201. Irĩ gwĩthamba iticokaga gwota mwaki
202. Irĩ kanua itirĩ nda
203. Irĩ kũhĩa itiũragĩrwo
204. Ĩrĩ kũhĩnja ndĩrĩ munĩri ngũ
205. Ĩrĩ kũhũma ndĩrĩ mũtĩ ĩtangĩgwatĩrĩra
206. Ĩrĩ kũra ndĩrĩ mũhĩti
207. Ĩrĩ mũrungu ĩgiritagia ĩrĩ na hĩa
208. Ĩrĩ mũthece ndĩoyagĩra ĩrĩa ĩngĩ
209. Ĩrî ngumo ndîagaga mûrahi
210. Ĩrĩ nyite nĩ mũtego ndĩthũire gwĩteithũra
211. Ĩrĩ tha nĩ ĩrĩ iria
212. Ĩrĩ thoni ĩnyuaga munju
213. Irĩaga na mbugi kũrĩ ũgwati
214. Irima rĩrekagia rĩemba
215. Irimũ ikenagĩra ũndũ mũru
216. Irio hĩu itiumaga mbũri
217. Ĩrũgamaga nĩ ĩkurumaga
218. Ita cia maitho ititĩraga
219. Ita rîtarî ndundu rîgûthagwo na njûgûma îmwe.
220. Ita rĩtarĩ ndundu rĩtitahaga
221. Îtarî mûting'oe îhuragwo ngi nî Ngai.
222. Îtarî thahu îgunagwo nî ikoro rîa njîra.
223. Ĩte kuura ĩgwatagia rũhuho
224. îtegagwo na kîrîa îrîaga
225. Ithare rĩagũka rĩcokaga mũgumo
226. Ithe wa thaka ndarĩ matũ
227. Itherũ rĩtiringaga ini
228. Itherũ rĩtirutagĩrwo mũguĩ
229. Itherũ riumaga mbaara
230. Itherũ rĩũragaga ndebe
231. Itherũ ti mũguĩ
232. Ĩthimbaga na ndũire
233. Ĩthĩnjagĩrwo mũrwaru ĩgakora warwarire tene
234. Ithĩnjĩro rĩtiagaga thakame
235. Îtoî îngî îmînungagîra na thutha
236. Îtoî îngî îmînungagîra na thutha
237. Îtoî îngî îmiumaga na thutha
238. Itonga igĩrĩ itirĩ nyoni
239. Itonga irugaga na ngĩo
240. Ĩtunyagwo mbũĩ nĩ gũciara
241. Itũũra rĩrĩ kanoro rĩtituhagia kahiũ
242. Îganagwo yarî îrîa yakua
243. Îganagwo yarî irîa yakua.
     

     K

244. Ka mûingî koyanagîra ndîrî
245. Kaana ka ngarĩ gakunyaga ta nyina.
246. Kaana karere nĩ ũcũwe gatingĩrũngĩka
247. Kagûrû karî ime gatihana karî mûhu.
248. Kagutwî ka mûciî gatihakagwo mûgeni
249. Kagwacî ka mwana wene noko kahoragia mwaki.
250. Kahiga gakũrũ gatiagararagwo nĩ maaĩ
251. Kahĩĩ ka mwathi kamenyaga kũgereka
252. Kahĩĩ kogĩ ta ithe kabaritaga ta mĩgwĩ
253. Kahiũ getainwo na rwenji
254. Kahiũ karathime karĩaga nyama cia kĩnandũ
255. Kahiû kohiga mûno gatemaga mûnori
256. Kahũniĩ gatiũĩ mwĩrĩ
257. Kahũniĩ gatũhaga ũrĩrĩ wa nyina
258. Kaihû gacangacangi gatigaga kwao gûgîthînjwo
259. Kamamĩrĩria gateire mũgũnda mũrĩme
260. Kamamîrîria kaharûrûkagia mwatû
261. Kamau mwerũ nĩ airaga
262. Kamûingî koyaga ndîrî
263. Kana ka ngarî gakunyaga ta ngarî
264. Kanoro karĩ itũũra gatituhagia
265. Kanua kanyuaga iria gationagio ngamîro
266. Kanua karĩ mata gatiagaga wa kuga
267. Kanua karî mata gatiagaga wa kuuga
268. Kanua karîa karîire mbeû noko koragia, ‘ngahanda kîî?’
269. Kanua karîa kaugaga mbu noko kaugaga ngemi.
270. Kanua kega gakîrîte kûhe.
271. Kanua kendagia kĩongo
272. Kanua kene gatinyuaga muma
273. Kanua nĩ ikahũ
274. Kanua nî kaunagîrwo ithîgî
275. Kanya gatune nî mwamûkanîro.
276. Kanyîrî ka mwene kamûinagia gwî kîeha kana gîkeno.
277. Kanyoni kabariti keninagĩra njoya
278. Karatha gatũkagia karatha
279. Karega nyina gatihonaga
280. Karî guoya kainûkîire nyina gekagima
281. Karĩ nda gatiĩyumbũraga
282. Karî thirî-inî gatibuthaga
283. Karĩki kamwe gatukĩrĩirie ndutura kĩrimũ
284. Karonda ka mwene gatimûiragia ngoro
285. Kenyû na kenyû cioyanagîra nda
286. Kĩaga mũkũi kĩabaca.
287. Kĩama gĩtirũgaga rũũĩ
288. Kĩambi nda nĩkĩo gĩakũra
289. Kîambîrîria kîa ûûgî nî gûîtigîra Ngai
290. Kîamîa kîmwe ciamîa ciothe
291. Kîania ûtukû nî gîûkaga
292. Kĩara kĩihũragio nĩ gũita ihuti
293. Kîara kîmwe gîtiûragaga ndaa
294. Kĩega ta kĩĩ gĩtithiraga.
295. Kîenyû na kîenyû cioyanagîra nda.
296. Kĩere kĩa njĩra-inĩ gĩtigwatagwo nĩ muura
297. Kîero nî ûimbo nî kîimbûkaga
298. Kĩerũ nĩ kĩiraga
299. Kĩgĩna gĩtininũkagio irio hande itarĩ ngũrũ
300. Kîhîî gîkûrû na ithe nî ûndû ûmwe.
301. Kĩhooto kĩongagĩrĩrwo njũgũma
302. Kĩhooto kĩringaga rũũĩ rũiyũru
303. Kîhooto kiunaga ûta mûgete.
304. Kĩhooto nĩ indo
305. Kîmenyi ûmwe ndatûraga
306. Kĩnandũ kĩa mũciĩ gĩtihakagwo mũgeni
307. Kîndû gîothe kîega nî kîrî mwene
308. Kîndû kî mûrîo gîtininaga ng'aragu
309. Kîndû kîa mûndû nî kîa mûndû
310. Kĩndũ kĩene gĩtirĩ ndokeirwo nũũ
311. Kĩndũ kĩũru no kĩronda, ĩndĩ kĩrĩ rũa rwa mũhuhi
312. Kĩndũ kĩũru no mũndũ ethũkĩtie we mwene
313. Kĩndũ no mwene mũhoi ahoyage
314. Kînya kîrî itina nîkîo kîigaga
315. Kînya nî kîrî mûrugîrwo
316. Kĩongo kĩenjithagio nĩ mwene
317. Kĩonje gĩtihoyaga njohi mĩciĩ ĩrĩ
318. Kionje kîrumaga mûhiûhia
319. Kîrema arûme nî kîgariûre.
320. Kĩrĩ kwĩhia ciĩhĩtie ciothe
321. Kîrî ngoro gîtihotanaga
322. Kîrî ngoro gîtihotanaga
323. Kĩrimũ gĩa gwĩkĩgia gĩkĩrĩte kĩa mũciarĩre
324. Kîrimû gîthekagia itimû
325. Kĩrimũ gĩtindagia andũ njĩra
326. Kîrimû kîa hûûna kîraga nyina acine îkûmbî
327. Kîrimu kîa nyoni gîakaga irigu-inî îkûrû gîtoî rîhakuhî gûtemwo.
328. Kĩrimũ kĩhithaga rwembea-inĩ rwa nyũmba kĩũĩ gĩtikuonwo
329. Kîrimû kîohîga mûgî agakîga
330. Kĩrimũ kĩongaga nyina arĩ mũkuũ
331. Kĩrimũ no ta mwatũ
332. Kĩringĩri gĩa aka nĩ rwenji rũkĩrega
333. Kîrîra kîhoyagwo ûruithîtie
334. Kîrîra nî hûûra thoni
335. Kirĩrĩria, thuti ti ruo
336. Kĩrĩro kĩa mbũri nĩ ndara
337. Kĩrĩro kĩrĩ itũũra gĩtingĩreka mũndũ akome
338. Kĩrĩti kĩrĩ ngoro gĩtiunanagĩrwo
339. Kĩruka gĩa kĩmbu gĩtithiragwo nĩ mũng'ũng'ũtũ
340. Kiuga gĩtheri gĩtirutanagĩrwo
341. Kĩũma gĩtihatagĩrĩrio rũga
342. Kĩũnũhu gĩtirĩagĩrwo
343. Kĩũra kĩaringio rũũĩ kiugaga nĩkĩo kĩeringia
344. Kĩũra kĩoragire ũthoni na irũga
345. Kohîga mûno gatemaga mûnori
346. Koiga Gatune nî mwamûkanîrio
347. Komû omirie Kaigû wa nyina.
348. Kûganwo nî kûra
349. Kũgera mũgathĩ ti gũtinia
350. Kũgunagwo mwĩthiomeri ti mũthiomerwo
351. Kũgunĩrwo mwana no ta kũgunĩrwo nyina
352. Kũgũrũ nĩ irata thĩ
353. Kũhĩka nĩ kuna
354. Kũhĩtia nĩ kwa njamba
355. Kũhoha ti kũma
356. Kũhonoka ti gũtũũra
357. Kũhoya kwa arũme nĩ maitho
358. Kũhoya ti kũiya
359. Kũhũra maaĩ na ndĩrĩ
360. Kũhũũta na kũhũũna ititiganaga
361. Kûîgita ti guoya
362. Kûira nguraro nî kûimbîrwo.
363. Kũira ti kũrita
364. Kûiyonera ti kwîrwo
365. Kũma ti kũma ta ihiga, na kuororoa ti kuororoa ta maaĩ
366. Kumagara nî kûhîga
367. Kũmatha gũtirĩ hinya ta kũramata
368. Kũmenya mũno nĩ kũmenyũka
369. Kũmenya werũ nĩ kũũtinda
370. Kũngũ maitũ na hunyũ wake
371. Kũnyiha ti gũtinio
372. Kũnyitwo ti kuohwo
373. Kuona kîmera ti kûrîa
374. Kuona ûrirû ti gûkûra
375. Kũrĩ arũme na maiyũria ndua
376. Kũrĩ gũkahũka gũticokaga ndebe
377. Kũrĩ gũkua mũrĩo ta kĩgwa
378. Kũrĩ mwoni na mũrata thĩ
379. Kûrî thegere na kamamîrîria mwatû
380. Kũrĩ ũkuũ ũtatumwo, ta wa nyũngũ
381. Kûrîa mbere ti gûkoroka.
382. Kûrîa mûno nî kuoria nda
383. Kũrĩa thĩ ti kũrĩa tĩri
384. Kũrĩa thirĩ nĩ kũrĩha
385. Kũrĩa ũũru gũtigiragia mũndũ akarĩa wega
386. Kũrĩithia ĩmwe ti kwenda kwa mwene
387. Kũrĩkanĩra gũtigiragia ndeto ihĩtane
388. Kũrĩma nĩ kwĩenda
389. Kũrita nĩ kũru
390. Kûrua nî kûhîa
391. Kûrua nî kwara itara
392. Kûrua, kûgûrana na kûrîha thirî gûtiîriragwo
393. Kũrũga ti kwega, amu kĩũra kĩoragire ũthoni na irũga
394. Kûruta ti gûcokia
395. Kwa mûcûni nî gwateirwo nî mûhîtûki.
396. Kwa mwaria gûkîûra Kwa mûkiri kuorire tene
397. Kwa mwendwa gûtirî irîma
398. Kwaria nî kwendana.
399. Kwaria ti gûcaya.
400. Kwaria ti gûtua cira
401. Kwîgeria mûciî nî kwîgeria mathîna
402. Kwîgita ti guoya.
     

     M

403. Maaî mararu timo mahiû.
404. Maaî matarî maku makûhîtûkaga ûgîtua irûtû.
405. Maaî me kûraya matininaga nyota
406. Maaî megûitîka matirī mûhîti
407. Mageria nomo mahota
408. Maguta makûrû matiinaga rwîmbo
409. Maheni marî mûtino
410. Maheni ti thirî
411. Maî megûitîka matirî muoi
412. Maitho ma andû matiendaga kîndû kîhînju
413. Maitho ma arûme ti ma irang'a.
414. Maitho ma ciûra matigiragia inyue maaî
415. Maitho ma ciûra matigiragia ng'ombe inyue maaî.
416. Maitho maronana marî nduîrîro.
417. Maithori ti rûthiomi.
418. Marakara ma arûme matituuraga ta ma aka.
419. Marakara manene nî mûtino.
420. Marî ûturi no magoka.
421. Mathanwa me kîondo kîmwe matiagaga gûkomorania
422. Matigana nomo moranwo.
423. Matukû nî ngûrîrîri na maninagwo nî gûkîa
424. Matumbî ma njamba matituranaga
425. Maûndû nî ndiganîro
426. Mbaara ti ûcûrû.
427. Mbaara ya aka ndîrî ng'ondu.
428. Mbakî nî ûrûrû ti ûingî.
429. Mbakî njûru ndîrî mûthîîre.
430. Mbarî ya ngeka makorirwo matarî Meka.
431. Mbere ndîriragwo ta thutha
432. Mbere nî gîkeno thutha nî maithori.
433. Mbere no mbere thutha nî mûgiano.
434. Mbîa îninaga ndarwa na igutha.
435. Mbogo nyingî itirî thathi
436. Mbugi ndîkîrîte mûriha.
437. Mbûî nyingî ndîrî munge.
438. Mbura îrî kîmera ndîhiuhaga kuura
439. Mbura îtarenda kuura îgwatagia rûhuho.
440. Mbûri igucagio nî mûûnyû.
441. Mbûri na kana itirumagwo.
442. Mbûri ngûrû ndîtihaga tûhû.
443. Mbûri ti marigû.
444. Mbûri ya kûhîha mai ndîremaga.
445. Mbûri ya ngîa yaringîrîra noguo bata ûringagîrîra.
446. Mbûri ya rwagatha ndîkiraga.
447. Mbûri ya rwanio îkuaga na rwanio.
448. Mbûri yene mûîtha nî gûtû.
449. Mburungo nyinyi irî mûthiomeri îkîrîte nyingî itarî.
450. Mîciî nî ndogo.
451. Mîciî nî yateirwo nî ageni
452. Mîgambo nî mîrukî ya ngoro.
453. Mîgûgûta îrî ndîambagîrîrio.
454. Mîgûîre ya ngû ti ya mîgogo
455. Mîhehû yongagîrîrwo gûkunga.
456. Mîtheko itarî gîthimi yumaga kanua-inî ka irimû.
457. Mîthuru ndîigananagio njoya.
458. Mondo ti thegi.
459. Mondo yene ndîikagio njara.
460. Mûbatari ndaconokaga.
461. Mûcangacangi onaga mîguongo.
462. Mûcaria ûngî ndamûagaga.
463. Mûcemi akorire mûkungi
464. Mûcemi akorire Mûkungi
465. Mûcera na mûkûndû akûndûkaga take
466. Mûcera na mumo nî mwîtîkîri
467. Mûciare ndateagwo
468. Mûciari arî tha.
469. Mûciari ndairagio ngoro nî kîmira kîa mwana wake.
470. Mûciari ndathikûragia igwa itina.
471. Mûciari nî etîayagîra.
472. Mûciî ndûathagwo nî ûtawakire.
473. Mûciî nî kûrarwo ûraragwo, ndûtindagwo.
474. Mûciî ûkuaga ngagûro
475. Mûciî ûmenyagwo nî mûrari ti mûroki.
476. Mûciî ûraga ngo ciaigîrîrwo makûmbî igûrû
477. Mûciî ûrî mûthuri ûmenyagwo na inooro
478. Mûciî ûrî mbûri ndûagaga kahuno.
479. Mûcingû mûnene unaga hiti kûgûrû.
480. Mûciri ûmwe ndagambaga.
481. Mûcirîri kîrimû ndîagaga mûthîgi thî.
482. Mûcukani ndarî mûciî mwega.
483. Mûendi kagwacî gatungu ndatigaga kwenjera
484. Mûendi ûthaka ndacayaga
485. Mûgambo uraugwo ndugûkagwo.
486. Mûgambo ûrî kûgua thî, woyagwo na ûngî.
487. Mûgathî ûrî gûtwîka ndûcokaga mûigana.
488. Mûgathî wa kuona ûteaga wa mwene.
489. Mûgathî wene nî ûnogagia ngingo
490. Mûgeni amîagîra mbîrîra.
491. Mûgeni kîrimû ndarugagîrwo njohi.
492. Mûgeni ndahûhitaga.
493. Mûgeni nî rûî.
494. Mûgeni ûtarî mwene ndarî mûtugi
495. Mûgethi ûtukû agethire kîrî mûûra.
496. Mugi ndoî ûrîa akerwo
497. Mûgî nî mûtaare.
498. Mûgîkûyû ataraga maimwo
499. Mûgikûyû etîkagia kîa rara
500. Mûgiti ndagaga rûhara.
501. Mûgogo ûmwe ndûhingaga iriûko.
502. Mûgûnda mûkûrû nî ûmatho
503. Mûgûnda mûnoru ûmenyagwo na magetha
504. Mûgûnda wa kûra wanjagîrîria na rûtere
505. Mûgûnda wa mumwo nî irî noguo ûrî igwa njega
506. Mûgûnda wa mwere ûmenyagwo na ngetho.
507. Mûgûnda wene ndûinagwo.
508. Mûgwî ndûegekagwo
509. Mûgwî wa ûtukû ûcokagîrio harîa wokîra
510. Mûhaarwo nîwe ûthingataga gîthaka
511. Mûhahatîria ndagaga thûngû
512. Mûhaki ndarî hiû igîrî.
513. Mûhare nî ûgwatanagio.
514. Mûhenania ndathekaga.
515. Mûhenia ago oigaga mûrimû ûrî gûthira.
516. Mûhenio arî matukû kûrî mûhenania.
517. Mûhenio ti mûgî ta mûhenania.
518. Mûheo ndathimaga.
519. Mûhîki atumaga ngora njerû.
520. Mûhiki mûthaka ahîtûkagîra thome-inî wa ngîa
521. Mûhîrîga ti mûhîrîgo
522. Mûhitha njaga ndaciaraga.
523. Mûhîti ndaunaga rûhara.
524. Mûhoreria ndarî ngûî
525. Mûhotwo ndararaga kîharo
526. Mûhûnu etaga ûhûtiî mûkoroku.
527. Mûici athamagia mûrogi
528. Mûici na kîhîî akenaga kîarua
529. Mûici ndathiragwo nî marî ihîndî.
530. Mûici ûrî hunyû arindagîra ûrî maguta.
531. Mûici ûtarî wa nyitwo nî mûrîa gake
532. Mûici wa mûthenya nî oîo na wa ûtukû nî oîo.
533. Mûigwa ûthekagîrîra cong'e.
534. Mûihwa ndahoyaga na ndaimagwo.
535. Mûihwa ndaimagwo rûnyeni.
536. Mûikarania na kîimba ndagaga maithori.
537. Mûikaranio noguo mûbarano.
538. Mûikari mûtî gîtina nîwe ûûî kîrîa thambo îrîaga
539. Mûikari na hunyû ndakoragwo onete maguta akarega kwîhaka.
540. Mûikarîre nî ûmwe no mûrarîre ti ûmwe.
541. Mûikia ndoî mwehereri.
542. Mûimwo nî irî ndatûraga.
543. Mûingatwo na kîhoto ndacokaga no mûingatwo na njûgûma nîacokaga
544. Mûinûki kwao ndatukagîrîrwo.
545. Mûîthaga atongaga na ûtukû
546. Mûka mûcangacangi ndagaga mwana.
547. Mûka mûkûrû acokagîrîrwo na maithori.
548. Mûka ûrî kîronda ainagîra gîtiro ihûgo.
549. Mûka ûrî mwana ndoraga.
550. Mûkami tiwe mûnyiti njaû.
551. Mûkani maguta onanagia kînandû.
552. Mûkarî aimaga ûhûniî.
553. Mûkui ndaiguaga ciîgamba
554. Mûkûi nî akûyagîrwo ndumo
555. Mûkûrîra gîthûnû ndamenyagwo.
556. Mûkûrû gaya wonie mûruna.
557. Mûkûrû ndarumagwo no nî atûmagwo
558. Mumagari nî wa njûa igîrî
559. Mumagari onaga manene.
560. Mûmbî arugaga na ngîo.
561. Mûmeni ûngî amûîtaga kîongo kîa njaû.
562. Mûmeni ûngî amûrutaga mbakî iniûrû.
563. Mumi nanja oyaga mara.
564. Mûndû ainaga na gatirû gake
565. Mûndû ataraga maimwo ndataraga maheo.
566. Mûndû mûgî ndarî mûhere wa ûhoro.
567. Mûndû mûgo nderagûragîra.
568. Mûndû mûgo wa gwîtûma ndarî rûa.
569. Mûndû mûgo ndaiguagwo kwao.
570. Mûndû mûgo wa itûûra ndagaga.
571. Mûndû mûigwa nî mûhootani.
572. Mûndû mûka na igûrû itimenyagîrwo.
573. Mûndû mûka ndatûmagwo thirî-inî.
574. Mûndû mûka ndoragagwo.
575. Mûndû mûûgî egayaga e mûoyo
576. Mûndû mûûgî ndarî mîheere ya ûhoro
577. Mûndû ûhûniî ndarumaga andû ao
578. Mûndû ûkûra ndatûngaga wa ndûgû
579. Mûndû ûmwe ndehagîrîrwo njîra
580. Mûndû ûraciara ndenjagîra itina cia ikwa.
581. Mûndû ûrakanyuîra nîwe ûûî karî rita.
582. Mûndû ûtarî mbûri ndendaga nyama
583. Mûndû ûtathiaga athînjaga mwatî ndûrûme irî gîcegû.
584. Mûndû ûtathiaga oî no nyina ûûî kûruga.
585. Mûndû wa kuruga aurugagwo nîgetha megwatie nîwe wauruga.
586. Mûndû wîna rwake arûmagwo nî mbûri
587. Mûndû wîna rwake otaga mwaki kwîna riûa.
588. Mûnduithia rîmwe ndagacoka kûnduithia rîngî.
589. Muni kîrîtî nîwe ûûî ûrîa thîna ûigana.
590. Mûnyaka ndûrokaga.
591. Mûnyaka nî ûnyakagwo.
592. Mûnyaka ûrî mbere ya kahinga.
593. Mûnyotu athiaga rûûî.
594. Mûragani ndakayaga no mûragwo ûkayaga
595. Mûragani ndakayaga, mûragwo nîwe ûkayaga.
596. Mûrarî ndogo mûhu.
597. Mûrega akîrwo ndaregaga akîhetwo.
598. Mûregi gwathwo ndangîhota gwathana.
599. Mûremwo nî ndûgo egwatagia nja îî mahiga
600. Mûrîa wiki akuaga wiki.
601. Mûriga igîrî ndagaga îmwe î gûcura
602. Mûriganio nî ûrî tha.
603. Mûrigia nakîo nîwe ûcokagia nguo (kîimba)
604. Mûrîi na kahiû ndoî mûrîi na kaara nî ahîaga.
605. Mûrîi ngime nî arî mûkimîri.
606. Mûrîithi ndagîrimaga
607. Mûrîmi ndaunagwo guoko
608. Mûrîmi tiwe mûrîi
609. Mûrîmi tiwe mûrîi
610. Mûrîmî ûmwe ndaihûragia ikûmbî
611. Mûrîmîrwo nî ithe ndoî Indo irî bata.
612. Mûrimû ndûrî hinya ûgîtonya mwîrî ta ûkiuma.
613. Mûrimû wa mûcoka nîguo ûrîaga mûndû.
614. Mûrîo ndûnenganagîrîrio.
615. Mûrîo ndûninaga ng'aragu.
616. Mûrîo ndûtûraga ta ngatho.
617. Mûrîo nî wîrîanagîria.
618. Mûrîo ûgîraga kîeha.
619. Mûrîo ûinagia rûthîa
620. Mûrîo ûninaga magego.
621. Mûrîo ûrutaga hûngû mûtî igûrû.
622. Mûrîri ndagaga mûthuthîri
623. Mûrîyo nî hûûni ndaruma andû ao.
624. Mûrogi tiwe mûrogori.
625. Mûrugîri arûme ndagaga mîkiha.
626. Mûruîra kwene ndomaga
627. Mûruithia arûme onake aarî kîhîî.
628. Mûrûmîrwo ndamenyaga igîthira
629. Mûrunguru wa njamba ûtahaga na ime.
630. Mûrûri ndwakaga.
631. Mûrûro ûgîraga mûkindîrio.
632. Mûteng'erio na mûteng'erania gûtirî ûtahûmaga
633. Mûthakwa ndûthiragwo nî gîcanjara.
634. Mûthamaki ûterwo ti mûthamaki.
635. Mûthenya ndûrumagwo ûtatukîte
636. Mûthenya wa ngû nî wa ngû
637. Mûthiganwo nî ûrî nja ndahonokaga
638. Mûthîgi ûcokagio kîama-inî
639. Mûthii ndaumbîkaga irigû
640. Mûthii ndaumbîkaga irigû.
641. Mûthii onaga maingî.
642. Mûthii tene ainûkaga tene.
643. Mûthii ûgo-inî nîwe ûthûcagîrwo mbûgû
644. Mûthii wiki akuaga wiki.
645. Mûthiîrwo ûgo-inî no ûria arîrwo.
646. Mûthikani ndathikagwo.
647. Mûthiûrûri nî ethiûrûraga.
648. Mûthomi mûgî aikagia maitho kabere
649. Mûthua ngoro ti mûthua kûgûrû.
650. Mûthûgûni itheri akîrîte wîkonotete.
651. Mûthûgûri nî akuaga.
652. Mûthûngû ndarî nyagîtugî.
653. Mûthuri mûgî ndamîaga mothe, nîatigagia ma njîra-inî
654. Mûthûri ûngî tiwe Ngai.
655. Mûthuri ûtarî kahîî nîwe wîriragîra ngûrûrû.
656. Mûtî mûmû ndûciaraga mûigû.
657. Mûtî mûnene ndûhîtûkagwo nî nyoni
658. Mûtî ûmwe ndûîtagwo gîthaka
659. Mûtî ûmwe ndûîtagwo gîthaka
660. Mûtî ûrûngagwo wî mûnini.
661. Mûtî ûtegûtemwo ndûgerekagwo ithanwa.
662. Mûtiga mwahû akoraga igima.
663. Mûtiga njerû akoraga njerû.
664. Mûtigwo iganjo ndagaga gîakuoya.
665. Mûtino ndûrî Njamba
666. Mûtino ûgîûka wambaga gûthatia ngo
667. Mûtino ûrutaga mûndû ûrîrî.
668. Mûtino ûthatagia ndigîrîri.
669. Mûtirima wa kîrimû wîtirimagia na mûgî
670. Mûtumia angîkûra atarî mwana ndonaga mûtahîri maaî.
671. Mûtumia ndatûraga mûtwe na ndaikagia ndahi ndua.
672. Mûturi tiwe mûhuruti.
673. Mûtûûri mûno ndagaga
674. Mûtwari ndarî ûhoro.
675. Mûtwarwo nî rûî egwatagîrîra mareru
676. Mûtwe ûmwe ndwatûraga ng'ondu.
677. Mwaga gûkua mwaruta mbaara.
678. Mwagi maguta oigaga hunyû nî ûmwe na maguta.
679. Mwaka wa hiti ndûhoyanagwo riigî.
680. Mwaki ndûhoragio na mwaki.
681. Mwaki wa Ngai ûraragio nî îgoto
682. Mwaki wakana mûno wîtunyaga nyama.
683. Mwambie nacio tiwe ûrigagia nacio.
684. Mwambîrîrio mûûru no wa itimû.
685. Mwamûkîri ndairaga ngoro.
686. Mwana mûciare ndateagwo
687. Mwana mwega no nda
688. Mwana mwende ndoî kûinia thûmbî.
689. Mwana ndaheanagwo.
690. Mwana ndahûragwo ithe arî ho.
691. Mwana ndatumagîrwo ngoi atarî mûciare.
692. Mwana ndetagia ithe nyama.
693. Mwana ûrî kîo ndagaga mûthambia.
694. Mwana ûrî mûreri ndatangaga maaî.
695. Mwana ûtarî mûciare ndatumagîrwo ngoi.
696. Mwana wa ndigwa nîwe ûûî kwîrera.
697. Mwana wa ngarî akunyaga o ta ngarî.
698. Mwana wa ngarî akunyaga ta nyina.
699. Mwana wa ngoriai ndekagîra njingiri kûgûrû.
700. Mwana wa rwendo arîaga nyina na ithe.
701. Mwana wa thahu ndatigaga kîrîro.
702. Mwana wî kîyo ndagaga mûmûthambia.
703. Mwana wî mûreri ndarîraga gîko.
704. Mwana wî na ithe ndanyuaga muma.
705. Mwanake nî kîenyû kîa Ngai.
706. Mwanake wîna indo ndoî kuuha mûîrîtu.
707. Mwanîki ambe eyanîke.
708. Mwarî mwerû ndaragûragîrwo.
709. Mwaria ciene ndamenyaga ciake.
710. Mwarîki ûrutagia irima thîî.
711. Mwatû ndûîtagîrwo mwana.
712. Mwatûkîria kîî? Aca no thûmbî na rûhuho.
713. Mwega nî ongagwo.
714. Mwendi irura nî mûcini.
715. Mwendi kagwacî gatungu nî kwenjera.
716. Mwendi mûhîrîga ûtuîkane etagia rûrîmi na mbere îyo ndararûrîaga.
717. Mwendi ûthaka ndacayaga.
718. Mwendi ûûru nî awonaga.
719. Mwendia nî agûraga.
720. Mwendwo ndarî ngarari.
721. Mwenjani mîkûri ndoî ûngî.
722. Mweri ûrî nja nî wîroragîrwo
723. Mwetereri mwega amenyagwo na ngetho.
724. Mwî îîri eîtaga nyoko
725. Mwî îro wa ngoro ndûkinyaga no way Ngai ûkinyaga.
726. Mwîanîki ndanûragwo
727. Mwîcarîria ndatuhagia mûro.
728. Mwîhîti na mwana nî ûtamûrî
729. Mwîhîtwa wî nyoni
730. Mwîikaria ndarî haro.
731. Mwîkuithia arî itigî kwî mûthati
732. Mwînyamaria ndarî ikwa nyûmû.
733. Mwîrî ti icoya atî nî ûgûtembûka.
734. Mwîrîhîria nîwe mûru.
735. Mwîtaari ndarî ûthû na mûndû.
736. Mwîtemengeri ndoragia ikîhoha
737. Mwîtemengeri ndoragia ikîhoha.
738. Mwoni ûmûthî tiwe mwoni rûciû.
     

     N

739. Narua mûgogo ûtana tendera.
740. Nda îkîrîte ita.
741. Nda îmwe nî yumaga mûici na mûrogi.
742. Nda ti mûtwe.
743. Ndaregirwo nî ikere ta njagathi îkîregwo nî guoya.
744. Ndegwa nyinyi îhaicaga ng'ombe na mûtwe.
745. Ndeto itimataga ta iria.
746. Ndeto njega nî iria njarie.
747. Ndeto nyingî nî ûrogi.
748. Ndia îkiragîra harîa hariku
749. Ndia ndiku ndîikagio kûgûrû îikagio kamûtî
750. Ndîakagwo ta ya wakinî
751. Ndîambaga na magua.
752. Ndîani ndîkinyangaga iraka.
753. Ndigithû yene ndîkerûragîrwo njohi
754. Ndîrî ndî iyûragîra kûrîa îkûgaragario.
755. Ndîrî njega ndîringanaga na mûthî mwega.
756. Ndîrî yakerîrwo nî aka*
757. Ndogo ndîagaga mwanya
758. Ndonga îmwe ndîhingaga iriûko.
759. Ndonga nanu îkîrîtwo nî mûkarî.
760. Ndore îibagio nî gîtî
761. Ndua îikagio ndahi nî mwene.
762. Ndûgate kûgûrû ta nyakînyua.
763. Ndûgetange ta kîhîa kîa mûcai.
764. Ndûgîra na kaigwa kayo.
765. Ndûgû nî makinya
766. Ndûgû nyingî îthatagia mûhuko
767. Ndûgû ya mwana îmatagio nî nyina
768. Ndûire nyiki ta mûrogi.
769. Ndûirio nî mata ta mûthûa.
770. Ndûkagerekanie gîkuû na toro.
771. Ndûkamenyithie wa itara.
772. Nduma îtumanaga gûgîkîa
773. Nduma ndîhîtithagia ûrîa ûthire mbere.
774. Ndûma ndîninagwo mbira
775. Ndundu ya mwana na nyina ndîringagîrîrio.
776. Ndûra îciaraga mîigwa.
777. Ndûrûme irî gîcegû kîmwe nî iminjanagîria rûrua
778. Ndururumo igîrî itiguanaga ikîgamba.
779. Ndûteagwo ûtarî mûatie
780. Ndutura îrûmaga îrorete gîtara kîayo.
781. Ngaita itirîagîrwo kwenda.
782. Ng'aragu îhaga îkiumwo
783. Ng'aragu ndîhoyagwo ûhoro
784. Ng'aragu ya mûndû ûngî ndîngîgiria ngome.
785. Ngarari îciaraga rûmena.
786. Ngarari îhithûragia mbaara.
787. Ngarî îhîtagwo nî mûndû na mûthoniwe.
788. Ngarî ndîoî gûkunya nî kuonio yonirio.
789. Ngarî yoka îikagîrio rigitû
790. Ngatho ithingatagio ingî.
791. Ngatia ciathiî hiti ciegangara.
792. Ngemi ciumaga na mûciî.
793. Ng'enda thî ndîagaga mûtegi
794. Ngi îmwe îthûkagia mûgûgûta.
795. Ngi ndîrî rûga.
796. Ngîa na mûigwa itikomaga.
797. Ngîa yethagwo mûkuha wayo.
798. Ngingo ndîkîraga mûtwe
799. Ngingo ya mûrîa ng'ûrû nî gîthitû na rûrigi.
800. Ng'ombe itionagwo nî ithayo.
801. Ng'ombe ngûrû ndîhacagwo maaî.
802. Ng'ombe yahithio njaû îkamagîrwo ikaya.
803. Ngoro irîaga kîrîa îkwenda.
804. Ngoro itiumanîire ta njîra.
805. Ngoro ndîrumaga tûhû.
806. Ngoro nî mûrû wa nyina na mûndû.
807. Ngoro nî mûtito mûtumanû ûtangîtonyeka nî mûndû.
808. Ngûgûtû ya gwîthurîra ndîrî gacere.
809. Ngûkû ya maguta nî îikagîrio.
810. Ngumo ndîigana mwene.
811. Ngûngûni îreragîra rûkû-inî.
812. Nguo njega ndîikagio rûtamî.
813. Ngûri ndîgayagwo.
814. Ngwacî itigathagwo ikîenjwo
815. Ngwacî ya mwana wene nîyo îhoragia mwaki
816. Ngwacî yathûra gûtuîkîrio
817. Ngware îkarara mûtî igûrû ndîatigîte thî kûrî kwega.
818. Ngware ndîûragagîrwo nja.
819. Nî gûcukagwo ûtegûteo
820. Nî gûkaga gîtaraire.
821. Nî îciaraga ûûru ona îikairio
822. Nî itumaga na itirue.
823. Nî kûrî itherû na kahandî merûka
824. Nî mûiguanîte ta gîkwa na mûkûngûgû.
825. Nî yûmbûkaga ona îmbute
826. Njamba îgûaga na îngî.
827. Njamba îkuaga na matanya
828. Njamba îrûndagwo nî mûcakwe
829. Njamba ndîrîagwo nî wîra.
830. Njamba ndîrûmaga imera igîrî.
831. Njamba nî ithaga rîa rika.
832. Njamba njîthî ndînyakagwo
833. Njamba ti ikere
834. Njamba ti ikere
835. Njaû îrî ndoge ona nyina nî ndoge.
836. Njigua î matû na ndindîko î magûrû.
837. Njîka na njîka ndîrî marûrû.
838. Njîra îkûra îgîaga ime kwîna riûa.
839. Njîra ndîraga mûgendi hurûka.
840. Njîra nguhî no ya ûrîrî.
841. Njîra ya mûndû ûmwe îthiagîrwo gûtuka
842. Njogu ndîremagwo nî mûguongo wayo.
843. Njohi njega ndîrî yaitwo thî
844. Njoya na mûthece ndîoyagîra îrîa îngî.
845. Njûgûma njega yumaga îkûrîro
846. Njûgûma ya njamba îthukagîrio ûgeni-inî.
847. Njûkî ndîrî mbora igîrî.
848. Njukû ikîrîte rûûî rûiyûru.
849. Njukû nî mîgathî ya itonga.
850. Nyama njûru îroragwo na kanwa.
851. Nyamacûcû, kanua nîkoinagîrwo ithîgî.
852. Nyanja îmwe ndîtîragia itega.
853. Nyanja nguhî ndîtegaga.
854. Nyeki ya nja ndîrîkaga.
855. Nyitîra na nginyîra ti îmwe.
856. Nyoko ndîtugaga.
857. Nyongano îrî ng'ondu
858. Nyongi nî îgimaraga.
859. Nyoni yakaga nyûmba na mûthece ûmwe
860. Nyota wa gîkuû ndûnyotokagwo.
861. Nyûmba itirîmanagîra
862. Nyûmba na rika itiumagwo
863. Nyûmba ndîgukumagio ikûmbî.
864. Nyûmba nini îciraga ûtukû
865. Nyûmba nyinyi yoragana yathama, yoragwo yathama.
866. Nyûmba ti ya maringa merî.
867. Nyûngû îrugaga na ndîrîe.
868. Nyûngû ya butha ndîmeraga.
869. Nyûngû ya maguta ndîkuaga.
870. Nyûngû ya mûingî ndîagaga mûteng'ûri.
     

     O

871. O mûndû ahuragia mwaki na mwîhîrîto wake.
872. O mûndû athondekaga ûrîrî wake.
873. O mûthenya na ikereka rîa rûhîa
874. Ona nyûngû nî îkunûragwo
     

     R

875. Rîa kûmeria ti rîa gûtua.
876. Rigî rîa nyumba rîtirutagwo gûtiria nyûmba ya ûngî.
877. Rigû ndûtwaranagio
878. Rika na nyûmba itiumagwo.
879. Riko na mwana na nda itiûî kwaga.
880. Rîrî nda rîkuaga ûnene.
881. Ritho rîkîrîte kûhe
882. Ritho rîmenaga njamba.
883. Ritho rîrîragia iniûrû.
884. Ritho rîûî thaka, rîtiûî ngamini.
885. Ritho ti ndamî.
886. Rîtwa nî mbûkio, gûtirî rîtakûria mwana.
887. Rîu nî thatû, ithaa rîngî yure mbura ya mahiga.
888. Riûa rîtietagîrîra Mûthamaki
889. Riûa rîtiûî gîtonga no ngîa theri.
890. Rûcamiû rwa gûîcûtha rûtirî ruo
891. Rûga runaga ûta
892. Rûgendo rûritu rwambagîrîra na ikinya rîmwe
893. Rûgûtema rûtiagaga igeca.
894. Rûhiû rûgî nî rûtuîkaga.
895. Rûî rûnenehagio nî tûthima.
896. Rûî rûtithamaga mûkaro.
897. Rûkaga rûtaraire rûgakîra rûraire.
898. Rûmwe rûranagwo rûkîrîa rwagomania hiû rûgacokanwo.
899. Ruo rûrîaga mwene.
900. Ruo rûtiguanagîrwo.
901. Rûrî itara rûthekaga rwî riko
902. Rûrî Kuma njora rûticokaga tûhû.
903. Rûrî na  Komû rûrî na Kaigû wa nyina.
904. Rûrigi rûrî nja rûtiagaga gîa kuoha.
905. Rûrigi rwetagîrîria mûkwa.
906. Rûrîmî rwa ngîa rûtithiraga kîmanda.
907. Rûrîra rûtithambagio rûûî.
908. Rûruka rwa kîmbu rûtithiragwo nî mûng'ung'utu.
909. Rûru rûtarî njaû nî rûhukaga
910. Rûtemaga mwenji.
911. Rûthuko rûnungaga rûrî mbûthû.
912. Rûtungu rûmwe rûtiraragia mwaki.
913. Rûtungu rwa gwîtinîria rûtîrî gîthong'ori.
914. Rûtwaraga mûndû rûkîhwa
915. Rûtwaraga mûthambîri.
916. Rûûa rûkuhî rûtîrî thogora.
917. Rûûa rwa mwene rûtirî iringa.
918. Rwambo rûmwe rûtiambaga ndarwa.
919. Rwendo nî ûnyamarania.
920. Rwendo rwarutire mwana wa nderi igûrû
     

     T

921. Tha cia arûme itirî iria.
922. Thaka ya mwene ndiunîkaga.
923. Thakame ndîrî ndûgû.
924. Thakame nî nditû kûrî maî
925. Thatû îhakagwo maguta na gatî.
926. Thegere igîrî itiremagwo nî mwatû
927. Thî na igûrû itimenyanaga.
928. Thîa na wîrurîrie
929. Thia ndîthiragwo nî mîhûmû.
930. Thiaka nî ûta.
931. Thiaka ûiniî ndwagaga gûita mîgwî.
932. Thiarî ndîgeraga Kwa ngîa.
933. Thîga nî arua, gûtirî marara nja.
934. Thiingo nî irî matû
935. Thiirî ûtarîhagwo no wa ûrogi
936. Thingira ndûhoyagwo maaî
937. Thîna ndûrî mîri.
938. Thîna ndûtigaga handû ûramenyera.
939. Thîna ndûtûraga.
940. Thîna nî rûhiû rwa gûicûhia mûro.
941. Thiriti nî iteanaga.
942. Thiriti nî ya andû erī, ya atatû nî rûmena.
943. Thiya ndîthûire mûmîoni ta mûmîanîrîri
944. Thogora ndûrî nyina na mwana.
945. Thome wa anake ndûrî thogora no gûtharana.
946. Thoni itirî gathuthuma.
947. Thoni nene nî ûkarî.
948. Thû ndîagaga mwenji.
949. Thû ndîgûaga harîa îikagio.
950. Thûmbî îrî nyone ona mwene nî muone.
951. Thundo ya kahîî ti ya mûrigono
952. Thurania gûkua na kûhona.
953. Thutha  wa maûndû mothe nî Mwathani.
954. Thutha mwega nî wa ndûrûme.
955. Thutha wa arûme nduoyagwo ruoya.
956. Thutha wa nduma nî ûtheri mûnene.
957. Tiga gûkunga hîra-inî na tama mwerû.
958. Tiga gûkungia ûgî ûgî-inî.
959. Tiga kûhoya ngi thakame.
960. Tiga kuonia ngarî kûhaica mûtî.
961. Tiga thîna; toboka; ndûcûnaga kîihûri.
962. Tuoko tûingî tûtiendaine tûkîrîa.
963. Turuma yakîra kîrugû.
964. Tûtû ûrî mwana ndûnyitagia ngotho.
     

     Û

965. Ûbataire ahûrithagia kîhîî ime.
966. Ûbataire ndaconokaga.
967. Ûcamba ndûringaga mîhuro îîrî.
968. Ûcokereru nî ûkîgu.
969. Ûgakinya mûhûa ûtarî gatî.
970. Ûgakinya na mûtwe wîîrîte nî magûrû.
971. Ûgathîna ta ritho gwakîa.
972. Ûgeni wa nyama nduoyagîrwo nguo.
973. Ûgî mûnene ûtûaga ithanwa.
974. Ûgî ndûtongoragia, ûrimû nîgwo wambagia.
975. Ûgî nî kîhoto.
976. Ûgî ûgîgu.
977. Ûgî ûkîrîte hinya.
978. Ûgî wa arûme ûtemaga ta kahiû.
979. Ûgî wa mûndû ûmwe ndûrîmaga.
980. Ûgwîthiririma mûtino.
981. Ûhiûhîte ta thathi wa mûnyuko
982. Ûhoi nî ûrî mîgariûrîre.
983. Ûhûniî ndarî kîeha.
984. Ukarî mûhithe nî mwega
985. Ûkengi ndûtûraga.
986. Ûkûrû ndugaga mbu ûgîûka.
987. Ûkûrû ûrîaga wîthî
988. Ûkwenda mûnyû mbere ya mûcini.
989. Ûndîaga rîmwe na ûgî.
990. Ûndû ûkwendwo ndûtanukagwo nî kûmerio ûmeragio.
991. Ûndû ûrekwo ndûcokagîrwo.
992. Ûngîigua îgîkaya nî nûme.
993. Ûngîona îkirîte îmeretie îngî.
994. Ûracama arî na bata.
995. Ûrata nî kûramata
996. Ûrî kûhîtia na mbugi ndûrathaga na njoya.
997. Ûrî kûngariûra ta mûtura wa ihîî.
998. Ûrî mwega na ûkamenyeka.
999. Ûrî na ithe ndaringagwo wa ngoro.
1000. Ûrî ndûgû nyingî ndatukagîrîrwo.
1001. Ûrî wona rûkûre.
1002. Ûrîmi ndûhinyaga.
1003. Ûrirû ndûthiraga.
1004. Ûrugarî ndûrî indo, nî heho îrî indo.
1005. Ûrugarî wa nyondo ndûngiuma mbûrî.
1006. Ûrugîte na ûrugîte matihoyanaga.
1007. Ûrutagwo mwîruti.
1008. Ûtakanyuîrîire ndoî ke Rita
1009. Ûtakua nî athiaga ûgeni
1010. Ûtamerîthîtie ndaigaga mûro thî
1011. Ûtana ûninagîra mûrokerwo ng'ombe.
1012. Ûtana wa ngîa ûragîra ngoro.
1013. Ûtarî gîake ndarî ngoro
1014. Ûtarî hakuhî ndagûagîrwo nî mûtî
1015. Ûtarî kondo nî arî gakabû.
1016. Ûtarî maitho ndatumaga kînya
1017. Ûtarî ndetagwo ndundu.
1018. Ûtarî nî mûigîre
1019. Ûtatiga ndakoraga
1020. Ûtenderû ndûrî njamba.
1021. Ûtenderû ûrî nja ndûrî mûîthemere
1022. Ûthaka ndûrîagwo.
1023. Ûthayo na ng'aragu nî mûndû na mûrû wa nyina.
1024. Ûthoni ndûraragwo
1025. Ûthû ndûhingagia.
1026. Ûthuri wa itonga ndûnungaga
1027. Ûthuri wa kanua ûkîrîte wa mîaka.
1028. Ûthuro mwega ndûiyûraga ikûmbî.
1029. Ûtoi karirûi nî oî wacî.
1030. Ûtoî ûû nî oî ûû.
1031. Ûtonga ndûhanyûkagîrwo.
1032. Ûtonga ndûrî nyoni.
1033. Ûtonga nî kîgunyî.
1034. Ûtonga nî matigari ma nda
1035. Ûtonga wa mûici ndûthunaga, na nî ûteaga wake.
1036. Ûtukû ndugagwo ûhoro
1037. Ûtukû ndûtumagwo nguo.
1038. Ûûgî wî mbere ya hinya
      

      W

1039. Wa githî ndagiragia wa kîo akagîa.
1040. Wa gwîtûma ndûremaga
1041. Wa haraya ûhoragîra njîra.
1042. Wa hûûna humbîra nda
1043. Wa hwaî-inî warûgwo nî wa kîroko.
1044. Wa kîrimû wîtirimagia na mûûgî.
1045. Wa maitho ti wa rûthiomi
1046. Wa mbûri ndûteagwo ûtarî mwatie.
1047. Wa mûcoka nîguo ûrîaga mûndû
1048. Wa mûingî ûragaga kîrimû.
1049. Wa mûingî wathûra mûtîrî.
1050. Wa murû ûnungaga ûrî thiaka.
1051. Wa mûrunguru ûrûraga na ime.
1052. Wa Mwangi ndûtogaga kerî.
1053. Wa mwega ta wa mûûru.
1054. Wa mwene ûthûire thakame.
1055. Wa mwîrî ndûmenyagwo.
1056. Wa Ngai ûraragio nî igoto.
1057. Wagi wî matarania
1058. Waica kehiri nowe waica keruti
1059. Wainaga nî ainagîrwo
1060. Wainaga nî eroragîra
1061. Wairire nderûhaga.
1062. Wakuona ûteaga wa mwene
1063. Wamûhaka nî akîragîrio
1064. Wanaruona ana rûmenya
1065. Warîire athînirie waigire.
1066. Warûgaga nî atobokaga
1067. Wathekaga nî athekagîrîrwo.
1068. Wathi wakûra nî wongagîrîrwo ûngî
1069. Wee ûnyotaga matahwo.
1070. Wega na wega iticemanagia.
1071. Wega umaga na Mûciî
1072. Wega warîire karigû.
1073. Wega wî mbere ya kahinga.
1074. Wendani ûkîrîte ûtonga
1075. Wendo ndûrî ngoro kana gîtimumu
1076. Werû ûgûthogoranîrwo ndûagaga rûitîki.
1077. Werû ûmenyagwo nî mû-ûtindi
1078. Werû wa arûme ndûagaga kûnunga.
1079. Wî igîire ndahûtaga.
1080. Wîrane ndûrî ngarari.
1081. Wîteithie ngûteithie.
1082. Wona ciene waruta ndûngûrû, wona ciaku wacokia ndûngûrû.
1083. Wonaga nî agaga.
1084. Woni nî ûrî njacî, wagi nî ûrî matarania.
1085. Wonia kîhîî itherû, gîga gûconorithia ûhiki-inî.
      

      Y

1086. Ya ciara mwaki nî yongithagia.
1087. Ya ciara mwaki no nginya icûne
1088. Ya gwîthurîra ndîrî gorwe.
1089. Ya gwîthurîra ndîrî ihîndî.
1090. Ya ikio îikagia îrîa îngî
1091. Ya kûheo ndîroragwo magego
1092. Ya kûhîa îhîaga na ma mbere.
1093. Ya matharara îgwatagia ya nyeki.
1094. Ya mwene ndîrî njereri.
1095. Ya rika îthînjaga na mweri.
1096. Ya rika rîngî îrîaga îkîhurunjaga.
1097. Ya rûanio îkuaga ona rûanio
1098. Yaikio îikagia îngî.
1099. Yambagio maî nî îhîî nyene
1100. Yanagîria kayo
1101. Yenda mûno îkûraga rûrîra
1102. Yûmbûkaga na kîrîa îmeretie